Iyi ndirimbo Zoubedha y'abahanzi THE BEN na KAMICHI ni imwe mu ndirimbo abantu bakunze kandi bagikunda. Nyuma y'igihe kinini rero havuzwe ko Studio ya TOP5 SAI yari iri kuyikorera clip Video yaje kugeraho irarangira ikaba muri iyi minsi yari iya mbere mu kiganiro ISHUSHO KU MUZIKI NYARWANDA kinyura kuri televisiyo y'u Rwanda gikorwa na DJ BOB hamwe na DJ K.

Ubu natwe tukaba twifuje kuyibagezaho kugirango abatarayibona cyane cyane abakunzi be benshi baba mu mahanga babashe kuyireba.

Usibye kuba yarakunzwe rero abandi bantu bakiyibona bari bacyetse ko itazemererwa kunyura kuri Televisiyo y'u Rwanda kubera uriya mukobwa ubyinamo nkuko byagendekeya iyitwa ARASHARAMYE ya KGB ariko yaciyeho kuri RTV abantu barishima.

Ikindi kigaragaramo ni uko KAMISHI atagaragara na we ari mu bwato cyangwa hafi y'amazi byibuze hamwe na Zoubedha we nkuko The Ben bimeze. Ibi bikaba byari gutuma iba nziza kurushaho.

Twabibutsa ko ariya mashusho yo ku mazi yafashwe ubwo The Ben yajyaga gukorera Anniversaire ye ku Gisenyi mu minsi ishize na Kamishi na we akaba yari ari muri ibyo birori.

Abakunzi ba The Ben tukaba twababwira ko ubu dutegereje indi Clip Video ye y'indirimbi ESE NI BYO kuko yadutangarije ko ubwo yari muri South Africa mu minsi ishize yahise anahakorera Shooting yayo,tukazayibagezaho akiyiduha.

Twabibutsa kandi ko The Ben na we ari mu bahatanira SALAX AWARDS aho izina rye rigaruka ahantu mu byiciro bine ari byo:

· Best Male Artist

· Best RNB singer

· Song of the year ( Amahirwe ya nyuma)

· Best Album of the year (Amahirwe ya mbere)

Amakuru atugeraho akaba avuga ko uyu The Ben ngo yaba yarahamagawe na VILLAGE D' ENFANTS SOS ngo abe yababera ambassadeur ariko turacyatohoza byinshi kuri iyi nkuru tuzabibagezaho.

Inyarwanda.com ikaba ikomeje kwifuriza The Ben amahirwe mu byo ari gukora byose.

NGIYI CLIP VIDEO YA ZOUBEDHA