Nkuko musanzwe mubizi ,The Ben ni umwe mu bahanzi nyarwanda bakunzwe muri ino minsi kuko iyo urebye neza usanga abana ,urubyiruko n'abasaza bose bakunze indirimbo ze cyane.Aha rero ikibazwa n'abantu benshi ni ukuntu uno muhanzi akenshi mu bitaramo bye akunda guhura n'ingorane.

Nk'urugero ngirango ntawutibuka uko byagenze kuri launch ye aho yabujijwe gushimisha abakunzi be nkuko yari yabiteganyije. Urundi rugero ni muri concert yabereye muri SFB ku itariki ya 15/08/2009 ahari hateguwe MISS CHARITY CONCERT ikaba yari yateguwe na Miss SFB murwego rwo gufasha imfubyi.

Ino concert rero ikaba yari irimo abahanzi bakomeye bo mu Rwanda nka Medhy,k8 kavuyo,Tom Close,Lisa,Ryderman n'abandi.Ibyo rero bikaba byaratumye abantu bakitabira cyane dore ko akenshi bivugwa ko Public ya SFB ihora ikonje,ariko kuri uno munsi wo byari byahindutse!Nyuma y'uko Meddy,Liza,K8 Kavuyo,Riderman ,n'abandi baririmba. Abafana ba The Ben bakomeje gusaba ko yaza kuri stage dore ko hari abakunzi be benshi cyane.Mu kuza kwe rero yinjiye rwose nka Michael Jackson kuko yazanye n'abahungu be barabyina karahava. Ariko kidobya ntibura kuko mugihe yari arimo aririmba sonorization yaracomotse! Aha rero yamaze iminota 2:37 yose ahagaze kuri stage agirango byibuze akabazo technique kararangira vuba akomeza guhagarara. Ariko biba ibyubusa kuko byarangiye asubiye mu rwambariro atarangije kuririmba. Ibi rero bikaba byarababaje abafana be cyane. Aha rero ikibazwaga n'abantu benshi ni ukuntu sonorization itakoraga kandi amatara muri salle yose arimo yaka. Ikindi ni uko bamwe bakekaga ko ari umuntu ubicomokoye kubushake.Gusa abantu bakomeje kwibaza impanvu uno musore akunda guhura n'ibizazane iyo agiye kuririmba!!! Yihangane.

The Ben n'abaririmbyi be kuri scene

The Ben yari arakaye arimo kwihanganishwa

Abo ni bamwe mu ba Miss bari bitabiriye concert

Uyu ni k8 kuri scene

Post a comment or a suggestion