Umuririmbyi uzwi ku zina rya The Ben, izina rye nyaryo ni Mugisha Ben, yavutse ku itariki ya 9/01/1988. Yavukiye muri famille ikunda Imana, kuburyo yahereye akiri umwana aririmba muri Charal. Guhera icyo gihe The ben yakomeje kuririmba muri choral zitandukanye kugeza kuri 2008 ubwo yaje kwinjira mu muziki aririmba indirimbo zitandukanye; iya mbere yaririmbye ni Amaso ku maso yasohoye mu kwa munani 2008. Aririmba muri Choral The Ben yaririmbanye na Meddy, Lick Lick ndetse na Nicolas; aba bose mu kaba mubazi mu muziki muri ino minsi.

The Ben agifata icyemezo cyo guhindura ubwoko bw'umuziki yakoraga, yaje kugenda ahura n'ibimugora birmo imyumvire y'ababyeyi bavugaga ko agiye guhinduka akangirika kuko yari yararezwe nk'umukiristu.Ikindi cyamugoye agitandira music ye ni ubushobozi bwo kujya muri studio bujyanye n'amafaranga. Nyuma y'ibyo bigeragezo Ben yaje gushobora gusohora indirimbo ya mbere ye yitwa AMASO KU MASO, irakundwa cyane maze bimugaragariza icyizere cyo gukomeza.

The Ben abantu benshi bazi ko avukana na Tom close, mu by'ukuri relation zabo ntabwo ziri direct ariko bari muri famille imwe k'uburyo bashobora kwitana cousins. Tom Close yareranywe na The Ben, biganye umuziki ariko Tom close we yatangiye kuririmba muri rusange mbere ya The Ben, ariko Ben atangaza ko mu ndirimbo za Tom close nyinshi za mbere nka MBWIRA yaririmbemo chorus. Bivuze ngo The Ben yararirimbaga ariko izina rye ntiryavuzwe. Ikiri ukuri ahubwo ni uko The Ben we avukana na Green P wo Tuff Gangz.

The Ben yadutangarije ko ubu mu muziki we nta Manager afite uretse ko yagiye agira mahirwe akabona abantu bamufasha. Kugeza kuri ubu The Ben amaze gusohora album imwe yariho indirimbo 12, ariko abaze na featuring The Ben afite indirimbo zigera kuri 20. Kuri ubu The Ben arimo gukora kuri album ye ya kabiri izaba ariho indirimbo yaririmbanye na Cindy wo muri Blue 3, izaba yitwa AWE.

The Ben twamubajije abahanzi yaba akunda hano mu Rwanda atubwira Miss Jojo na Meddy. Indirimbo eshatu akunze ubu ni Kwicuma(Tuff Gangz), Amayobera(Meddy) n'Umunsi umwe(Passi). Mu buzima busanzwe The Ben yatangaje ko akunda IMANA,akunda kuganira("nkunda akavuyo"), akunda abantu. Mu bijyanye n'imyidagaduro akunda Football ndetse no kwoga.

Kuva inyarwanda.com yatangira nta ndirimbo urakinwa cyane nk'indirimbo ya The Ben AMAHIRWE YA NYUMA ubu imaze gukinwa inshuro 8360 kugeza kuri uno munota. The Ben yabajijwe icyo abitekerezaho atumbwira ati"biranshimisha cyane kuko ndacyeka ko atari no mu rwanda gusa bakunda umuziki wanjye ahubwo ubu usigaye ugera ku isi hose, ndashimira inyarwanda.com."

The Ben yaganirijwe kuri launching ya album ye ya mbere

Nk'uko mu bizi mu by'umweru bibiri bishize The Ben yari afite Launch ya Album ye yamber yitwa AMAHIRWE YA MBERE, ariko ntiyaje kuyikora kubera ibibazo by'umutekano na police. The Ben yatangaje ko mu by'ukuri we yari yaratakaje imbaraga nyinshi ngo azashimishe abakunzi be, ashaka ibyangombwa bya stade; arangije ku munota wa nyuma ntiyaririmba. The Ben ati "Byarambabaje cyane kubera ko nari naravunitse mbitegura, kandi nkaba narumvaga ndengana kuko nari mfite ibya ngombwa, ariko ku rundi ruhande narishimye kuko sinari nizeye ko nshobora kuzuza stade yose arijye baje kureba"

The Ben yabajijwe niba ashobora kuzakora iriya launch bwa kabiri kuko iya mbere atayikoze nk'uko yabishaka maze ibiutbwira muri aya magambo: "Amahirwe ya mbere yo yarangije kuba launched, ntabwo ndimo gutegura kongera kubikora ahubwo ndimo gutegura album ya kabiri, ariko mbere yayo njye nzakora igitaramo cyo guhoza amarira amakunzi banjye bose."

Ibi nibyo twashoboye kubabonera kubari barabajije ibizazo byinshi cyane kuri The ben.

Post a comment or a suggestion